Apeli la sot në fuqi vendimin e GJKKO ndaj ish-kryeprokurorit Adriatik Llalla. Vendimi parashikon dy vite burg, pengesën për të kandiduar në poste publike dhe konfiskimin e pasurisë. Llalla nuk u paraqit në seancën e radhës, ku u përfaqësua nga avokati mbrojtës, Sokol Hazizaj. Ky i fundit tha se nuk e di ku ndodhet, por di vetëm që ai po kurohet për sëmundjen nga e cila vuan.
Por si u largua ish-prokurori nga vendi pa lënë gjurmë në sistemin TIMS. Burime për MCN bënë të ditur se Llalla ndodhet në një vend të BE-së, ku është zhvendosur që pas 20 majit, kohë kur GJKKO dha vendimin ndaj tij. Ish-kryeprokurori ka shfrytëzuar nisjen e sezonit turistik, kur fluksi i lëvizjeve ishte i lartë, për t’u larguar jashtë vendit, vetëm pak kohë pasi ndaj tij u dha dënimi me dy vite burg.
Mësohet se Llalla vuan nga epilepsia, por nuk dihet nëse largimi i tij ka të bëjë vetëm me sëmundjen apo edhe me pritshmëritë nga Apeli.
Ndërkohë, edhe familja e zotit Llalla është larguar nga vendi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
