Vranë shokun e tyre të dehur/ Prokuroria dërgon për gjykim dhëndrin e Qazim Sejdinit dhe tre të tjerë

Ditën e sotme Prokuroria e Elbasanit ka dërguar për gjykim personat e dyshuar për vrasjen e Florian Lamçajt në korrik të viti të kaluar në Elbasan.

Prokuroria e Elbasanit ka dërguar për gjykim dhëndrrin e ish-kryebashkiakut të Elbasanit Qazim Sejdini, 35-vjeçarin Sokol Sanxhaktari me akuzën për “vrasje me dashje” e kryer në bashkëpunim.

Po kështu Prokuroria ka dërguar për gjykim dhe 42-vjeçarin Adriano Hajdari për të njëjtën akuzë. Në gjyq kanë përfunduar dhe Amadeus Lamçja, 40 vjeç për “moskallëzim krimi”, “veprime që pengojnë zbulimin e së vërtetës” dhe “deklarim të rremë” si dhe Mehmet Muça, 33 vjeç për të njëjtat vepra penale.

Të katër shokët akuzohen për vrasjen e Florian Lamçes (Shabani).

 Ngjarja ndodhi më 30 korrik të vitit të kaluar, rreth orës 04:40 në një lokal në Elbasan.