Dy persona të cilët vodhën një motor dhe një karrocë për fëmijë, janë vënë në prangat e policisë së Elbasanit.
Pas administrimit të dy kallëzimeve, për dy raste të vjedhjes, në lagjen “5 Maji”, është organizuar puna dhe është bërë i mundur identifikimi, kapja dhe arrestimi i autorëve të dyshuar, shtetasve B. K., 28 vjeç dhe E. S., 35 vjeç, të dy banues në Elbasan.
Nga veprimet hetimore dyshohet se këta dy persona, më datë 15 tetor, në lagjen “5 Maji”, kanë vjedhur një motomjet, të cilin më pas e ka fshehur shtetasi E. S., një karrocë për fëmijë në një automjet, pasi kanë thyer xhamin e automjetit.
Motomjeti dhe karroca u gjetën dhe u sekuestruan në cilësinë e provës materiale.
Lidhur me këtë rast materialet i kaluan Prokurorisë Elbasan, për veprën penale “Vjedhja”, kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
