Ministrja e Bujqësisë dhe Zhvillimit Rural, Frida Krifca mblodhi sot në një takim kryetarët e bashkive të qarqeve, të cilat janë prekur nga gripi i shpendëve.
Ministrja Krifca gjatë takimit, u kërkoi atyre një bashkëpunim më të thelluar për të izoluar dhe asgjësuar rastet e gripit të shpendëve.
Krifca tha se problemi është izoluar në stabilimente, ndërsa për shpendët e oborrit, për shkak edhe të shpërndarjes gjeografike, ka akoma situata të rasteve me sëmundje.
Ministrja po ashtu u kërkoi drejtuesve të bashkive si dhe policive bashkiake një angazhim më të madh për të mos lejuar tregjet që nuk janë të licencuara nga Ministria e Bujqësisë për momentin.
Nëse nuk marrim masa drastike, nuk do të arrijmë ta izolojmë këtë sëmundje. Ne jemi të vetëdijshëm për penalitetin që i bëhet industrisë. Është shumë e rëndësishme që ne të veprojmë sot.
Ministrja Krifca tha se, qeverisja vendore duhet të marrë masa për groposjen apo djegien e kadavrave të shpendëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
