Zona pyjore e Krastës në Krujë, është përfshirë sërish nga vatrat e zjarrit. Në vendin ku kanë rënë flakët kanë shkuart forcat zjarrëfikëse, që po punojnë për shuarjen e tyre. Për fikjen sa më shpejt dhe mosagravim të situatës, ndihmë kanë shksuar edhe forca nga Tirana dhe Burreli.
Ndërsa dëmi në pyllin me pisha është i konsiderueshëm. Ndërkohë deputetja e Krujës, Merita Bakiu ka kërkuar nga qeveria të ndërhyjë menjëherë nga ajri për shuarjen e zjarrit, që po përhapet gjithnjë e më shumë duke shkrumbuar sipërfaqe të tëra të kurorës së gjelbër të Krujës.
“Krasta është mushkëria e Krujës dhe pasuri kombëtare ndaj duhet ndërhyrë sa më shpejt për ta mbrojtur atë”, ka thënë Bakiu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
