Shkodër, sekuestrohen 5146 paketa cigaresh kontrabandë

Finalizohet operacioni i koduar "AKCIZA", ne Shkoder, njofton Drejtoria e Policise. Sekuestrohen 5146 paketa cigaresh kontrabandë, 101 pako duhani i grirë dhe 2000 llampa. Arrestohen 5 shtetas dhe 1 tjetër shpallet në kërkim.

Në vijim të veprimeve proceduariale hetimore të kryera nën drejtimin e Prokurorisë së Rrethit Gjyqësor Shkodër në bashkëpunim me Sektorin për Hetimin e Krimit Ekonomik e Financiar në D.V.P. Shkodër për goditjen e kontrabandës me mallra që paguhet akcizë dhe prodhimit të kundraligjshëm të produkteve industriale, pas një hetimi disa mujor u bë i mundur realizimi i Operacionit te koduar " AKCIZA" dhe si rezultat u be arrestimi në flagrancë i shtetasve të mëposhtëm :

* N.B., 55 vjeç, banues në Shkodër

* R.L., 67 vjeç, banues në Shkodër

* A.I., 47 vjeç, banues në Shkodër

* K.G., 48 vjeç, banues në Shkodër

* F. Q., 45 vjeç, banuese në Shijak

Gjithashtu u shpall në kërkim dhe po punohet për kapjen e shtetasit :

* A.M. 44 vjeç, banues në Shkodër

Nga kontrolli i ushtruar në ambjente apo vende të dyshuara për mbajtjen apo magazinimin e mallrave të kundraligjshëm u arrit që të sekuestrohen në cilësinë e provës materiale :

* 107 steka me paketa cigaresh të markave të ndryshme pa dokumentacionin përkatës,

* 101 pako duhan i grirë dhe një makinë grirëse,

* 4259 paketa cigaresh të markave të ndryshme,

* 2000 cop llampa.

Materialet proçeduriale iu referuan Prokurorisë së Rrethit Gjyqësor Shkodër për veprat penale "Fshehja e të ardhurave", "Kontrabanda me mallra të tjera", "Prodhimi i kundraligjshëm i artikujve dhe mallrave industrialë dhe ushqimorë", "Kontrabanda me mallra që paguhet akcizë" dhe "Tregëtimi dhe transportimi i mallrave që janë kontrabandë" parashikuar nga nenet 180, 174, 288, 172 dhe 178/2 të Kodit Penal. Vazhdon kryerja e veprimeve hetimore për zbardhjen dhe dokumentimin e plotë të kësaj veprimtarie të paligjshme dhe në vënien para përgjegjësisë penale të autorëve të dyshuar.