Një 31-vjeçar u vu sot në pranga si autori i dyshuar i atentatit ndaj administratorit të një shkolle private në kryeqytet.
Siç bën te ditur policia e Tiranës, S. T., 31 vjeç, u arrestua për veprat penale "Vrasja me paramendim" e mbetur në tentativë, dhe "Mbajtja pa leje dhe prodhimi i armëve, armëve shpërthyese dhe i municionit".
Ngjarja ndodhi më datë 1 janar të këtij viti në zonën e Liqenit të Thatë, jo shumë larg vendit të tij të punës, ku u qëllua me armë zjarri në drejtim të mjetit me drejtues shtetasin Lulzim Masha, 63 vjeç.
Ky i fundit në dëshminë e dhënë në polici menjëherë pas ngjarjes pati deklaruar se nuk kishte konflikte me askënd.
“Nuk kam konflikt të hapur me askënd, nuk e di se kush fshihet pas këtij sulmi. Atentatori ishte në këmbë dhe i veshur me veshje sportive”, është shprehur para uniformave blu, Lulzim Masha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
