Trupi i pajetë i turistit holandez që u mbyt pak ditë më parë në kanionet e Osumit është gjetur sot. Polumbarët e repartit special RENEA, në bashkëpunim me uniformat blu të komisariatit të Skraparit e gjetën trupin e 68-vjeçarit J.A.S., pas tre ditësh kërkime.
Zhdukja e tij u denoncua më datë 8 maj nga bashkëshortja, shtetasja holandeze H. (V. A.) C. S., 64 vjeçe, e cila deklaroi se ndërsa notonin së bashku me të shoqin në kanionet e lumit Osum, atë e kishte marrë rrjedha e ujit.
Në kërkime u angazhuan edhe 2 pjesëtarë të federatës “Albania Rafting Group”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
