Policia e Shkodrës ka zbuluar një grup kriminal të cilët kryenin vjedhje me dhunë.
Në pranga u vu një person, ndërsa tre të tjerë u shpallën në kërkim.
Këta persona në bashkëpunim me njëri-tjetrin kanë kryer 7 vjedhje në 5 muaj.
Blutë e Shkodrës thonë se “pas një punë profesionale hetimore disa mujore, kanë finalizuar me sukses operacionin “MISSING GIFT” ku si rezultat i tij është bërë i mundur dokumentimi me prova ligjore i autorësisë së disa vjedhjeve me dhunë në Shkodër .
Në pranga u vu shtetasi Klodian Sinaj, 28 vjeç, banues në Shkodër i dënuar më parë për veprat penale ” Vjedhje” dhe ” Armëmbajtje pa leje”.
Gjithashtu u shpall në kërkim dhe punohet për kapjen e shtetasve O. M, 28 vjeç, T. T. 61 vjeç dhe K.T, 34 vjeç, të gjithë banues në Shkodër.”
Policia thotë se Klodjan Sinaj në bashkëpunim me 28-vjeçarin O.M kryenin vjedhjet dhe më pas i shisnin ato në dyqanin e shtetasve T.T dhe K.T.
Nga veprimet hetimore të kryera janë zbardhur dhe dokumentuar me prova ligjore 7 vjedhje me dhunë, ku shtetasi Klodian Sinaj në bashkëpunim me shtetasin O. M, dyshohen si autorë të tyre.
Me datë 07.02.2017, në vendin e quajtur Rruga ”Qyteza e Gajtanit” i kanë vjedhur një varëse floriri, shtetases P. A.
Me datë 10.02.2017, në vendin e quajtur mapo “Parrucë” ,i kanë vjedhur një telefon, një Tablet , dhe një vlerë monetare shtetases K. B.
Me datë 25.03.2017 , në vendin e quajtur Lagjja “Vasil Shanto “tek një dyqan i këmbimit valutor, i kanë vjedhur një telefon shtetasit M. Q.
Me datë 15.04.2017, në vendin e quajtur Rruga “Fahri Ramadani” Shkodër i kanë vjedhur një varëse floriri, shtetases M. Z.
Me datë 30.04.2017 , në vendin e quajtur Rruga ”Kongresi Përmetit” i kanë vjedhur një çantë në pronësi të shtetases E. D.
Me datë 13.05.2017, në vendin e quajtur Rruga “Mbreti Gent” i kanë vjedhur një telefon shtetases S. I.
Me datë 12.06.2017, në vendin e quajtur Rruga ”Jezuitve” i kanë vjedhur me dhunë një varëse floriri shtetases M. K.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
