OFL në Vlorë u çon formularët tre të dënuarve për vrasje me paramendim

Operacioni Forca e Ligjit u ka çuar formularët e vetëdeklarimit tre vlonjatëve të dënuar për vrasjes. Kështu, formularët i kanë shkuar Viron Ramohitojt, Altin Skëndajt dhe Gëzim Memetit.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

- Viron Ramohitoj, banues në Vlorë, i dënuar për veprën penale “Vrasja me paramendim”;

- Altin Skëndaj, banues në Vlorë, i dënuar për veprën penale “Vrasja me paramendim”, e kryer në bashkëpunim;

- Gëzim Memeti, banues në Vlorë, i dënuar për veprën penale “Vrasja në rrethana të tjera të cilësuara”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.