Një ngjarje e rëndë është regjistruar paraditen e sotme në qytetin e Beratit ku një grua i ka dhënë fund jetës në mënyrë tragjike.
Ngjarja ka ndodhur rreth orës 10:15, në lagjen “Kala”, Berat, ku është gjetur e vetëvarur në banesë nga fqinjët, pa shenja jete Anastasi Pjetri 76 vjeçe.
Alarmi erdhi pas disa telefonatave të bëra nga djali i vetë i cili jeton në Gjirokastër, pasi nëna e tij nuk iu përgjigjej telefonatave. Menjëherë ai ka marrë komshinjtë e tij ku kanë hyre brenda në banesë dhe kanë gjetur trupin e 76-vjeçares të varur me burulluk në një zbukurim dërrase pranë derës së shtëpisë.
Menjëherë kanë njoftuar ambulancën dhe policinë e Beratit si dhe djalin e saj që është vetëvarur. 76-vjeçarja, nëna e tre fëmijëve jetonte me djalin në Gjirokastër dhe kishte rreth 10 ditë që kishte ardhur në banesën e saj ku jetonte vetëm.
Ndërsa dy djemtë e tjerë ishin njeri në Greqi dhe një në Kanada. Kohëve të fundit e moshuara kishte shfaqur probleme depresioni dhe i kishte kërkuar djalit që ta çonte pranë banesës në Berat.
Nga këqyrja paraprake nuk evidentohen shenja dhune. Policia dhe grupi hetimor po punojnë për sqarimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
