Kanë rinisur kërkimet për të gjashtën ditë me radhë për trupin e 10-vjeçarit që u mor nga rrjedha lumit Fan në Mirditë.
Deri tani nuk ka asnjë shenjë për gjetjen e trupit megjithatë polumbarët e RENEA-s po punojnë intensivisht për gjatë rrjedhjes së lumit.
Ditën e djeshme u bë edhe kontrolli në urën e prishur pas devijimit të rrjedhës së lumit ku dyshohej që mund të ishte trupi i 10-vjeçarit, por pa sukses.
Sipas të dhënave 17 polumbarët e ardhur nga Tirana të ndihmuar edhe nga banorët e zonës që sot janë të shumtë në numër kanë rifilluar përsëri kërkimet nga të dy anët e lumit Fan.
Kërkimet do të vazhdojnë edhe ditën e sotme për gjatë rrjedhjes së lumit, por edhe tek diga e HEC-it në Reps të Mirditës. Megjithëse kanë filluar shirat në këtë zonë kërkimet vazhdojnë me intensitet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
