Arrestohen për vjedhje të rinjtë nga Gramshi dhe Librazhdi

Një 29-vjeçar me inicialet I.Q., me banim në Gramsh ka rënë në pranga pasi dyshohet të ketë vjedhur produkte në magazinën e shtetasit A.ZH.

Ndërkaq është arrestuar edhe një 33-vjeçar nga Librazhdi, me inicialet E.SH., pasi ka vjedhur një shumë parash në banesën e shtetasit R.H.

NJOFTIMI

Specialistët e Seksionit për Hetimin e Krimit në Komisariatin e Policisë Gramsh bënë  ndalimin e shtetasit I. Q., 29 vjeç, banues në lagjen “Sporti”, Gramsh, për veprën penale “Vjedhja”, pasi dyshohet se ka vjedhur produkte të ndryshme, në magazinën e shtetasit A. Zh. Specialistët e Seksionit  për Hetimin e Krimit në Komisariatin e Policisë Librazhd bënë ndalimin e shtetasit E. Sh., 33 vjeç, banues në fshatin Dorëz, Librazhd, për veprën penale “Vjedhja”, pasi dyshohet se ka vjedhur një shumë parash, në banesën e shtetasit R. H.  Materialet i kaluan Prokurorisë, për veprime të mëtejshme.