Javën e kaluar shteti serb ka nisur vaksinimin antiCovid për pakicën serbe në Kosovë. Nga Prokuroria Themelore në Mitrovicë, përkatësisht prokurori Shqyri Syla, sipas REL, konfirmohet nisja e grubullimit të informatave rreth mënyrës së hyrjes së këtyre vaksinave në komunat veriore të Kosovës.
Prokurori kryesor i Mitrovicës ka thënë se, fillimisht, janë duke u zhvilluar hetimet dhe mbledhja e informacioneve, për të konstatuar nëse produktet farmaceutike kanë hyrë nga Serbia në Kosovë, përmes rrugëve joligjore ose jo.
Ai ka shtuar se mundësitë për hyrjen e vaksinave nga Serbia në Kosovë, përmes rrugëve joligjore, janë të shumta.
“Nëse ne kemi prova se vërtet ato janë kontrabanduar, sepse duhet të ketë një autorizim për përdorimin e këtyre vaksinave – dhe nëse ato janë të kundërligjshme, do të nisin procedurat penale kundër atyre personave që i kanë bërë këto punë. Hetimet penale do të nisin pas grumbullimit të hetimeve dhe, varësisht prej të gjeturave, do të fillojnë hetimet penale kundër personave që i kanë kontrabanduar", ka thënë prokurori Syla.
Sistemi shëndetësor në komunat me shumicë serbe në Kosovë funksionon brenda sistemit serb.
Më 25 dhjetor, presidenti i Serbisë, Aleksandar Vuçiç, ka deklaruar se në veri të Kosovës ka filluar vaksinimi kundër koronavirusit, me vaksinën e kompanive Pfizer/BioNTech, e cila ka arritur në Serbi jaëvn e kaluar.
Më 26 dhjetor, përmes një deklarate për media, Qeveria në detyrë e Kosovës ka thënë se institucionet e Kosovës nuk kanë pasur asnjë komunikim zyrtar me institucionet e Serbisë në lidhje me këtë çështje, as përmes Zyrave Ndërlidhëse, as me ndërmjetësimin e bashkësisë ndërkombëtare, dhe si të tilla ato konsiderohen të jashtligjshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
