Aksident me pasojë një person të plagosur është regjistruar pak minuta më parë në qytetin e Elbasanit. Burime për MCN bëjnë me dije se automjeti tip Golf në ecje e sipër ka përplasur një vajzë 14 vjeçe e cila ishte duke kaluar rrugën te vijat e bardha.
E plagosura është dërguar menjëherë në spitalin e Kirurgjisë Elbasan ku po merr ndihmën e nevojshme mjekësore dhe raportohet se fatmirësisht është jashtë rrezikut për jetën.
14-vjeçarja në momentin e aksidentit ka qenë duke marrë byrek në orën e pushimit të gjatë. Policia ka shkuar në vendngjarje dhe po punon për përcaktimin e shkaqeve të plota të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
