Finalizohet me sukses operacioni policor i koduar “Danger”, i zhvilluar nga shërbimet e Komisariatit të Policisë Nr. 2.
Si rezultat i këtij operacioni, në zonën e “Komunës së Parisit” është kapur dhe ndaluar shtetasi K. K., 30 vjeç, banues në Kavajë, person me rrezikshmëri të lartë shoqërore dhe i shpallur në kërkim për vrasje në rrethana cilësuese, mbetur në tentativë, si dhe për armëmbajtje pa leje.
30-vjeçari, me datë 30.05.2025, në Fllakë, për motive të dobëta, ka qëlluar me armë zjarri drejt një automjeti ku udhëtonin 3 shtetas.
Në vijim të operacionit është arrestuar dhe shtetasi F. K., 31 vjeç, i cili ndodhej bashkë me 30-vjeçarin në një automjet.
Nga veprimet hetimore ka rezultuar se ky shtetas ka përkrahur dhe ndihmuar 30-vjeçarin të fshihej.
Në momentin e ndalimit 30-vjeçari i ka paraqitur punonjësve të policisë dy dokumente identifikimi(kartë Id dhe leje drejtimi) me të dhënat e një shtetasi tjetër, të dyshuara të falsifikuara. Ndërsa, gjatë kontrollit fizik 31-vjeçarit i gjetën një sasi municioni luftarak.
Shtetasi K. K, iu kalua DVP Durrës për veprime të metejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
