Shërbimet e Komisariatit të Policisë Lushnjë kanë finalizuar operacionin policor të koduar "Gamers", i cili synonte goditjen e rasteve të organizimit të lojërave të fatit të paligjshme.
Gjatë operacionit, policia ndërhyri në një ambient privat në lagjen "Karbunarë e Sipërme", i përshtatur për zhvillimin e kësaj veprimtarie të kundërligjshme.
Në momentin e ndërhyrjes, u kapën në flagrancë katër persona, të cilët ishin duke vënë baste sportive përmes celularëve.
Ata u vunë në pranga dhe përfshijnë pronarin e subjektit, shtetasin A. G., 20 vjeç, si dhe shtetasit L. D., 22 vjeç, K. D., 19 vjeç dhe O. G., 22 vjeç.
Po ashtu, gjatë këtij operacioni, u procedua në gjendje të lirë shtetasi G. G., 23 vjeç, pasi u gjet me një sasi të vogël kanabisi në ambientet e këtij subjekti.
Materialet procedurale iu referuan Prokurorisë së Fierit për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
