Rreth ngjarjes së të mërkurës që tronditi mbarë opinionin publik jo vetëm në Klos, nxjerr dyshime se gjithçka ka nisur pas një shantazhi që i bëhej në rrjete sociale vajzës së autorit të dyshuar të masakrës Fiqiri Mjeshtri.
Në fakt ky ishte edhe versioni i dhënë një ditë më parë nga vëllezërit e Fiqiriut.
Sipas tyre, të rinjtë Kenado Shira e Renato Hasula shantazhonin mbesën e tyre e për këtë ishte kërkuar sqarim. Nisur nga kjo, për të hedhur më shumë dritë mbi ngjarjen, Prokuroria e Matit ka kërkuar hapjen e celularëve të adoleshentëve që janë marrë nga grupi hetimor ditën e ngjarjes.
Me këtë prokuroria kërkon të provojë akuzat e familjes Mjeshtri dhe për të zbardhur dinamikën e tragjedisë së rëndë të ditës së mërkurë ku Fiqiri Mjeshtri vrau në qendër të Klosit, Liri e Kenado Shirën, plagosi Eglantin e Renato Hasulën, e më pas i dha fund jetës së tij pranë banesës në fshatin Dars.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
