Eksperti kriminalist Artan Rexhepi duke folur në emisionin “Fact Check” mbi vrasjen e ndërtuesit Eduart Reçi tha që nuk ishte një krim profesional.
“Nuk është shumë profesional sepse viktima është ndjekur dhe minimalisht mund të fiksohen lokacionet”, tha ai.
I pyetur përse përdoret snajperi në ekzekutime të tilla, Rexhepi tha: “Është pamundësia për t’iu afruar viktimës. Duhet të jesh qitës i mirë kur qëllon nga distanca. Ndoshta fshehja e gjurmëve. Ndoshta viktima është një njeri me personalitet të fortë dhe kanë frikë t’i afrohen. Por kryesisht është fakti që mendojnë se fshihen nga zbulueshmëria”.
Rexhepi tha ndër të tjera se nuk duhet të ketë në Shqipëri polic me rrogë nën 1 mijë euro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
