Krahas hetimit të nisur nga Shërbimi për Çështjet e Brendshme dhe Ankesat për dekonspirimin e aksionit për arrestimin e Kelmend Balilit, një procedim ka nisur edhe Prokuroria e Krimeve të Rënda.
Për Ministrinë e Brendshme dhe Prokurorinë njeriu më i kërkuar i momentit në Shqipëri, dyshohet te jete njoftuar nga efektivë policie për aksionet që do të kryheshin në zonën e Sarandës dhe Delvinës.
Ka dyshime të arsyeshme se punonjës të komisariatit të Sarandës të kënë njoftuar te ashtuquajturin “Eskobari i Ballkanit” ose të afërm të tij, sipas tv klan. Specialistë të Shërbimit të Çështjeve të Brendshme dhe Ankesave pritet të verifikojnë veprimet e disa punonjësve të policisë lokale që kanë qenë në dijeni se nga Tirana do të niseshin FNSH-ja dhe RENEA për prangosjen e Balilit.
Hetimi ka nisur pas disa indiceve konkrete dhe në sitën e hetuesve do të kalojnë tabulatet telefonike të disa oficerëve të policisë. Prokuroria dhe policia kane bindjen se Balili ndodhet ende në territorin shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
