Një burrë në Fier, kryen vepra të turpshme me një vajzë të mitur

Një burrë në Fier është vënë në prangat e policisë, i akuzuar se ka kryer veprime të turpshme me një vajzë të mitur.

Nga ana e uniformave blu u bë ndalimi për veprën penale “Vepra të turpshme”, i P. B., 53 vjeç, banues në Levan, Fier.

Policia thotë se 53-vjeçari dyshohet se ka kryer veprime të turpshme me një shtetase të mitur.

MCN TV mëson se denoncimi ndaj tij u bë nga nëna e së miturës, pasi vogëlushja ishte ankuar te e ëma se i dyshuari i kishte prerë rrugën dhe kishte kryer vepra të turpshme me të.

Për shkak të natyrës delikate të çështjes, detajet e ngjarjes nuk bëhen me dije, ndërkohë që materialet iu referuan Prokurorisë së Fierit, për ndjekje të mëtejshme.