Një zjarr ka rënë në një pallat pranë Komisariatit nr 4 në kryeqytet. Flakët kanë përfshirë një apartament në katin e katërt.
Falë ndërhyrjes së zjarrfikësve është bërë e mundur evakuimi i disa banorëve dhe të shpëtohet jeta e dy të miturve që ndodheshin brenda apartamentit në momentin e rënies së zjarrit.
Një 15-vjeçar është dërguar menjëherë në spital, si pasojë e asfiksisë.
Forcat zjarrfikëse janë angazhuar për afro 40 minuta në mënyrë që të fiknin flakët, ndërkohë tymi ka përfshirë gjithë shkallën, duke i detyruar banorët të dalin jashtë.
Dyshohet se zjarri ka rënë si pasojë e pakujdesisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
