Një aksident i pazakontë ka ndodhur mbrëmë në Pluk të Lushnjë teksa dy automjete kanë përfunduar brenda një lokali.
Drejtuesi i automjeti tip Volksvagen me targa AA 568xi ka humbur kontrollin dhe ka goditur një automjet top Benz, i cili ka qenë i parkuar para lokalit dhe të dy mjetet kanë përfunduar brenda ambienteve të lokalit, duke e shkatërruar plotësisht. Drejtuesi i automjetit Volksvagen është dërguar me urgjence në spitalin e Lushnjës, jashtë rrezikut për jetën.
Fatmirësisht lokali ka qenë i mbyllur dhe nuk ka pasur klientë apo personel, në momentin që makinat kanë përfunduar brenda tij.
Pronarja e lokalit sqaron se kanë dëgjuar një zhurmë të tmerrshme, ndërsa ishte në shtëpi, teksa kamerat sipas saj treguan se çfarë kishte ndodhur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
