Policia Rrugore e Tiranës ka njoftuar sot se me qëllim të marrjes së masave për orientimin e lëvizjes për shkak të punimeve për rehabilitimin e segmentit rrugor Kryqëzim Rinas (aeroport)-Qafë Kashar (kthesa Rinas), janë devijuar rrugët për të gjithë lëvizjet e mjeteve në këtë aks rrugor.
Policia Rrugore e Tiranës
Me qëllim marrjen e masave për orientimin e lëvizjes për shkak të punimeve për rehabilitimin e segmentit rrugor Kryqëzim Rinas (aeroport)-Qafë Kashar (kthesa Rinas), Policia Rrugore njofton të gjithë drejtuesit e mjeteve, se:
• Mjetet që lëvizin në drejtimin Qafë Kashar-Rinas, në drejtim të aeroportit, do të devijohen në autostradë në drejtimin Qafë Kashar–Vorë-Rinas.
• Mjetet do të shfrytëzojnë edhe rrugët dytësore për në dalje të autostradës.
Të gjitha lëvizjet hyrëse dhe dalëse në Aeroportin e Rinasit do të bëhen në drejtimin nga Rinasi (Aeroporti–K/Rinas (Ahmetaq)–Vorë–Tiranë-Durrës dhe anasjelltas).
Njëkohësisht drejtuesit e automjeteve të përdorin edhe kalime të tjera alternative në rrugë dytësore.
Shërbimet e Policisë Rrugore do jenë në rrugë me qëllim shmangien e trafikut dhe orientimnin e drejtuesve të automjeteve.
Policia Rrugore kërkon mirëkuptimin dhe bashkëpunimin e drejtuesve të automjeteve për respektimin në mënyrë rigoroze të sinjalistikës provizore, gjithashtu të ndjekin udhëzimet e shërbimeve të Policisë Rrugore dhe të autoriteteve të tjera shtetërore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
