Me gjithë ndëshkimet në raport më Aktin Normativ për organizimin e dasmave pa masa antiCovid, disa pronar restorantesh vazhdojnë organizimin e tyre, në kundërshtim me këtë akt.
Kësisoj, vetëm gjatë ditës së sotmë janë gjobitur me nga 1 mln secili, gjashtë pronarë dhe administratorë restorantesh, 1 në Berat, 1 në Fushë- Krujë dhe 4 në Fier.
Më konkretisht janë gjobitur me 1 mln lekë pronari i restorantit në Berat, K.B., I. T., në Fushë- Krujë dhe R. N., A. T., V. P. dhe K. K., në qytetin e Fierit.
Apeli i uniformave blu shkon për pronarët/administratorët e subjekteve që të respektojnë protokollet e sigurisë.
"Policia apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19", përfundon policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
