Policia e Beratit ka vënë në pranga 51-vjeçarin me iniciale shtetasi L. F., pasi gjatë kontrollit të ushtruar në bashkëpunim me shërbimet e OSHEE-së, u evidentua ndërhyrje në matësin elektrik që furnizonte banesën dhe lokalin e tij.
Po ashtu bëhet me dije se është arrestuar në flagrancë 40 vjeçari N. F., banues në fshatin Roshnik, Berat, pasi ka ndërtuar një objekt dykatësh, pa lejen e organeve kompetente.
Njoftimi i plotë: DVP Berat
Vihen në pranga 2 shtetas.
Nga specialistët e Seksionit për Krimet në Komisariatin e Policisë Berat u arrestua në flagrancë shtetasi L. F., 51 vjeç, banues në fshatin Roshnik, Berat, pasi gjatë kontrollit të ushtruar në bashkëpunim me shërbimet e OSHEE-së, u evidentua ndërhyrje në matësin elektrik që furnizonte banesën dhe lokalin e tij.
Gjithashtu, nga të njëjtat shërbime u bë arrestimi në flagrancë i shtetasit N. F., 40 vjeç, banues në fshatin Roshnik, Berat, pasi ka ndërtuar një objekt dykatësh, pa lejen e organeve kompetente.
Materialet hetimore i kaluan Prokurorisë pranë Gjykatës së Rrethit Gjyqësor Berat, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
