Një zjarr ka rënë në një banesë në rrugën e Teleferikut në kryeqytet. Sipas policisë ngjarja ka rënë mëngjesin e djeshëm dhe si pasojë ka mbetur i lënduar lehtë pronari i shtëpisë, shtetasi me iniciale G. Ç.
“Më datë 16.03.2020, rreth orës 06:30, në rrugën e Teleferikut , në katin e tretë të një pallati ka rënë zjarr në banesën e shtetasit G.Ç, 42 vjeç.
Në vendngjarje ndodhen forcat zjarrfikëse, ku u bë e mundur dhe fikja e zjarrit. Nga zjarri është dëmtuar lehtë pronari i banesës shtetasi G.Ç, jashtë rrezikut për jetën”, thuhet në njoftimin e policisë.
Grupi hetimor dhe shërbimet e Policisë shkuan në vendngjarje dhe po punojnë për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
