Drejtoria Vendore e Policisë Shkodër ka njoftuar një rast të rëndë të dhunës në familje, ku një 19-vjeçare ka goditur me thikë vëllain e saj të mitur nën kushte të rënduara psikologjike.
Specialistët për Hetimin e Krimeve ndaj Personit ndaluan dhe proceduan në gjendje të lirë shtetasen B. M., 19 vjeçe, banuese në Shkodër, për veprat penale “Plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
Sipas informacioneve, ajo ka goditur vëllain e saj të mitur, 7 vjeçar, me një mjet prerës (thikë), i cili fatmirësisht ndodhet jashtë rrezikut për jetën.
Shtetasja B. M. është dërguar në Spitalin Psikiatrik Shkodër për të marrë asistencën e nevojshme, pasi dyshohet të vuajë nga probleme të shëndetit mendor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
