Një 63-vjeçar ka ndërruar jetë në Spitalin e Durrësit, pasi kishte shfaqur probleme shëndetësore teksa ndodhej në ambientet e sigurisë së Komisariatit tw Policisë Durrës.
Sipas informacionit paraprak, rreth orës 18:20 ka humbur jetën shtetasi M. G., 63 vjeç, banues në Shijak.
Ai ishte shoqëruar në komisariat pasi ishte dënuar me 18 ditë burgim dhe pritej të transferohej për vuajtjen e dënimit në IEVP Lushnjë.
Rreth orës 15:04, 63-vjeçari ka shfaqur shqetësime shëndetësore dhe është transportuar menjëherë nga shërbimet e Policisë drejt spitalit për ndihmë mjekësore.
Pavarësisht asistencës së dhënë nga personeli mjekësor, ai ka ndërruar jetë në sallën e reanimacionit.
Grupi hetimor, nën drejtimin e Prokurorisë, vijon veprimet për sqarimin e plotë të rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
