Një automjet është përfshirë nga flakët në autostradën që lidh Fierin me Vlorën.
Ngjarja ka ndodhur gjatë mbremjes së sotme, ku makina është djegur pothuajse plotësisht.
Sipas informacioneve paraprake, fatmirësisht nuk raportohen persona të lënduar nga ky incident.
Flakët kanë shkaktuar dëme të mëdha materiale, duke shkrumbuar automjetin.
Në vendngjarje kanë mbërritur shërbimet e policisë dhe zjarrfikësit, ndërsa policia ka nisur hetimet për të zbardhur shkaqet e zjarrit.
Ende nuk dihet nëse bëhet fjalë për një defekt teknik apo rrethana të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
