Një aksident në autostradën Durrës-Tiranë, ka ndodhur pak çaste më parë.
Siç njofton korrespondentja e MCN tv nga Durrësi, një këmbësor i cili ka tentuar të kalojë trafikndarësen e autostradës është përplasur nga një kamionçinë në lëvizje.
Si pasoje e përplasjes këmbësori ka marrë dëmtime në trup, duke u dërguar në urgjencën e Durrësit.
Policia sqaron se drejtuesi i automjetit ka mundur të frenojë në kohë por pa mundur të shmangë goditjen e këmbësorit.
Nga ana e policisë vijon puna për sqarimin e plotë të rrethanave, ku paraprakisht thuhet se shkak është bërë pakujdesia e këmbësorit teksa po kalonte autostradën nga njëra anë në tjetrën.
Durrës/Informacion paraprak
Rreth orës 09:50, në segmentin rrugor “Durrës-Tiranë”, automjeti me drejtues shtetasin G. Xh., 21 vjeç, është përfshirë në një aksident me këmbësorin, shtetasin I. H., rreth 70 vjeç, i cili është në spital, në kujdesin e mjekëve, në gjëndje të rëndë shëndetësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
