Një punonjës i nëntokës ka mbetur i bllokuar në një nga galeritë e zonës D në Bulqizë.
Burime policore bëjnë me dije se ngjarja ka ndodhur mesditën e sotme rreth orës 12.10, ku në një subjekt minerar në Bulqizë, ka patur një rënie të një masivi minerali dhe nga informacionet paraprake të punëtorëve, dyshohet se ka mbetur i bllokuar në galeri një punëtor.
Grupi i shpëtimit të minierave po punojnë për pastrimin e galerisë dhe ardhjen në ndihmë të punëtorit që dyshohet se ka mbetur i bllokuar.
Nga ana e tij, grupi hetimor vijon hetimet në vendngjarje për zbardhjen e shkaqeve të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
