Policia e Tiranës ka reaguar zyrtarisht për ngjarjen e ndodhur psditen e sotme në zonën e Liqenit Artificial në Tiranë, më konkretisht tek Rruga e Kosovarëve ku mbeti i plagosur me armë një 19-vjeçar. Sipas policisë, në kërkim për këtë ngjarje janëë shpallur dy vëllezër, të dyshuar për plagosjen e shtetasit Reginaldo Kaçorri.
“Në vijim të informacionit të dhënë më parë për plagosjen me armë zjarri të shtetasit R. K., ndodhur rreth orës 15:45, në rrugën “Liman Kaba”, në afërsi të një lokali, ju informojmë se: Falë veprimeve të shpejta dhe profesionale hetimore të kryera nga grupi hetimor u bë i mundur identifikimi i autorëve të dyshuar të ngjarjes dhe shpallja në kërkim e tyre”, njofton policia.
Por si ndodhi ngjarja? Policia dyshon se shtetasi Aldo Kodra, në bashkëpunim me vëllanë e tij shtetasin Klajdi Kodra, gjatë një konflikti të çastit kanë qëlluar me armë zjarri 19-vjeçarin Reginaldo Kaçorri. Grupi hetimor vijon punën për zbardhjen e plotë të rrethanave të ngjarjes. Shërbimet e policisë po ushtrojnë kontrolle dhe po krehin zonën për të bërë të mundur kapjen e autorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
