Komisioni i Pavarur i Kualifikimit zhvilloi sot një seancë gjyqësore për shpalljen e vendimit për prokuroren në Prokurorinë pranë Gjykatës së Rrethit Gjyqësor Tiranë, Elfrida Bregova.
Trupa Gjykuese e përbërë nga Alma Faskaj, Lulzim Hamitaj, Genta Tafa (Bungo) pasi analizoi provat dhe faktet vendosi sot konfirmimin në detyrë të prokurores Elfrida Bregova.
Gjatë seancës dëgjimore të zhvilluar të mërkurën më 6 prill, Bregova u përball me pikëpyetje mbi mundësitë financiare të saj dhe të bashkëshortit po ashtu prokuror, Saimir Bahiti, në blerjen e një apartamenti 104 m2 në Tiranë.
Elfrida Bregova përfundoi studimet në Shkollën e Magjistraturës në vitin 2006 dhe u emërua fillimisht prokurore pranë Prokurorisë së Kavajës.
Prej vitit 2010, ajo e ushtron funksionin në Prokurorinë e Rrethit Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
