Qëllonte me armë zjarri, në ajër, duke terrorizuar banorët e zonës, ndërhyrja e dy grupeve të repartit RENEA dhe FNSH Shkodër, vënë në pranga të dyshuarin.
Shërbimet e Komisariatit të Policisë Shkodër, pas marrjes së njoftimit se në fshatin Bardhaj ishin dëgjuar të shtëna me armë zjarri, kanë shkuar menjëherë në adresën e dhënë, bashkë me shërbime të FNSh Shkodër, për të verifikuar rastin.
Nga verifikimet rezultoi se 43-vjeçari Balil Murataj, kishte qëlluar me armë zjarri, në ajër, duke terrorizuar banorët.
Si rezultat i kontrolleve në territorin e fshatit, pas disa orësh, u kap shtetasi B. M., 43 vjeç, që kishte qëlluar në ajër, me armë zjarri.
Gjatë kontrollit fizik, këtij shtetasi i është gjetur një sasi municioni luftarak, që u sekuestrua në cilësinë e provës materiale, bashkë me armën e zjarrit automatik që ai e kishte fshehur në pyll sapo ka parë që ishte rrethuar nga shërbimet e Policisë.
Në vijim të veprimeve procedurale, shtetasi Balil Murataj, 43 vjeç, banues në fshatin Bardhaj, u arrestua në flagrancë.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
