Siguria në rrugë/ Policia arreston 14 shoferë dhe pezullon 27 leje drejtimi

15 drejtues mjetesh që u konstatuan në gjendje të dehur ose pa leje drejtimi, kanë përfunduar në prangat e policisë së Tiranës, ka bërë të ditur Policia e Shtetit, në njoftimin për media.

 Raportohet se nga kontrollet u arrestuan në flagrancë 8 drejtues automjetesh në gjendje të dehur, 5 drejtues mjetesh dhe motomjetesh të pa pajisur me leje drejtimi si dhe janë pezulluar 27 leje drejtimi për shpejtësi mbi normat e lejuara deri në 169 km/h.

 Po ashtu, janë ndëshkuar me gjobë dhjetëra shoferë për gara shpejtësie, për mos përdorim të kaskës mbrojtëse, për përdorim të aparatit celular gjatë drejtimit të mjeteve, etj.

Njoftimi i policisë:

Përgjatë 48 orëve të fundit, efektivët e Komisariatit Rajonal të Policisë Rrugore Tiranë, kanë angazhuar shërbime të shtuara në zonat ku janë evidentuar njollat e zeza me fokus konstatimin dhe verifikimin e shkeljeve që janë burim i shtuar për aksidentet rrugore me pasoja për shëndetin dhe jetën e njerëzve.
Në funksion të kontrolleve parandaluese, përgjatë dy ditëve të fundit janë konstatuar dhe :

• Arrestuar në flagrancë 8 drejtues automjetesh në gjendje të dehur në nivele shumë të larta alkooli.
  • Arrestuar në flagrance 5 drejtues mjetesh dhe motomjetesh të pa pajisur me leje drejtimi.
  • Kapur në flagrancë 1 person në kërkim dhe 1 drejtues automjeti për veprën penale “Korrupsonit aktiv ndaj personave që ushtrojnë funksione publike”.
  • Konstatuar dhe proceduar administrativisht 48 drejtues automjetesh për drejtim mjeti nën efektin e alkoolit, nga të cilët 17 edhe me sanksion plotësues të pezullimit të lejes së drejtimit.
  • Proceduar 15 drejtues mjetesh për gara shpejtësie dhe mos rregullim shpejtësie në qendrat e banuara.
  • Proceduar 14 drejtues mjetesh për xhamin e parë të errësuar dhe targa të modifikuara.
  • Pezulluar 27 leje drejtimi për shpejtësi mbi normat e lejuara deri në 169 km/h si dhe janë vendosur 67 masa të tjera pa sanksion plotësues për shpejtësi mbi normat e lejuara.
  • Proceduar 184 drejtues motomjetesh për mos përdorim të kaskës mbrojtëse.
  • Proceduar 125 drejtues mjetesh për përdorim të aparitit celular gjatë drejtimit të mjeteve.