Policia e Tiranës ka finalizuar operacionin e koduar Implikimi" në kuadër të goditjes së veprimtarisë kriminale të shpërndarjes së lëndëve narkotike.
Gjatë operacionit u arrestua shtetasi E. T., 35 vjeç, banues në Tiranë, i cili u ndalua pranë një njësie pushimi në fshatin Bërzhitë.
Gjatë kontrollit fizik dhe në banesën e tij, shërbimet e Policisë sekuestruan 833 gramë lëndë të dyshuar narkotike kokainë, 576 gramë kanabis, 930 euro të dyshuara të përfituara nga shitja e drogës, si dhe automjetin që përdorte 35-vjeçari.
Sipas hetimeve paraprake, i arrestuari dyshohet se i kishte siguruar lëndët narkotike me qëllim shitjen e tyre në sasi të konsiderueshme, kryesisht në zonën e Bërzhitës dhe në Qytetin Studenti.
Materialet procedurale i janë referuar Prokurorisë së Tiranës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
