Një operacion i policisë së Tiranës i koduar “50 Dollars”, ka vënë në pranga tre persona të cilët hidhnin në treg kartëmonedha të dyshuara të falsifikuara.
Bazuar në informacionet e marra në rrugë operative se disa persona, në bashkëpunim me njëri-tjetrin, hidhnin në qarkullim nëpër subjekte të ndryshme tregtare, kartëmonedha të dyshuara të falsifikuara, efektivët e policisë organizuan dhe finalizuan me sukses operacionin policor të koduar “50 Dollars”.
Në kuadër të këtij operacioni u bë ndalimi i Viard Kotori, 29 vjeç, banues në Tiranë, Etmond Dokushi, 32 vjeç, banues në Kavajë, dhe Ervin Kamolli, 32 vjeç, banues në Rrogozhinë, për veprën penale “Falsifikimi i monedhave”, kryer në bashkëpunim.
Tre të rinjtë në bashkëpunim me njëri-tjetrin, dyshohet kanë hedhur në qarkullim nëpër subjekte të ndryshme tregtare, në Tiranë dhe në qytete të tjera, kartëmonedha të prerjes 50 dollar.
Aktualisht vijon puna për dokumentimin e plotë të veprimtarisë kriminale të këtyre shtetasve, ndërkohë që materialet iu referuan Prokurorisë së Tiranës për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
