Gjykata britanike ka dënuar një 27-vjeçar shqiptar, për akuzën e trafikimit të emigrantëve të paligjshëm. Dënimi ndaj shtetasit Floreand Lika ishte 4 vjet e katër muaj burg, dhënë nga Gjykata e Kurorës së Portsmouth.
Sipas gjykatës, i riu shqiptar u gjet fajtor si përgjegjës për organizimin e bashkëqytetarëve shqiptarë që të hipnin në anije në Francë dhe më pas dërgoheshin në Britani. Më 19 mars 2020, një anije që kishte udhëtuar nga Cherbourg në Francë mbërriti në East Coëes Marina në Hampshire me 12 persona të tjerë që dyshohet se kanë qenë emigrantë që kanë hyrë ilegalisht në Britani. Midis 26 qershorit dhe 27 qershorit 2020, një tjetër varkë e vogël u kap pas një operacioni të përbashkët ms autoriteteve britanike dhe franceze. Gjashtë shqiptarë u gjetën në bord.
Lika u deklarua fajtor për komplot për të bërë një veprim për të lehtësuar kryerjen e një shkeljeje të ligjit të imigracionit në Mbretërinë e Bashkuar nga një person jo i BE-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
