Një vatër aktive zjarri është regjistruar në Novoselë, ku flakët kanë përfshirë një sipërfaqe me shkurre, barishte dhe pemë ulliri.
Sipas informacioneve paraprake, zjarri ndodhet shumë pranë zonës së banuar, duke rrezikuar edhe banesat.
Për shuarjen e flakëve është nisur një mjet zjarrfikës drejt Novoselës, ndërsa një mjet i dytë është gjithashtu në rrugë për t'u bashkuar me operacionin.
Forcat zjarrfikëse pritet të ndërhyjnë për të vënë nën kontroll flakët dhe për të parandaluar përhapjen e tyre drejt banesave.
Ende nuk ka informacion për dëme në njerëz apo në banesa.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
