Policia e Vlorës thotë se ka parandaluar përshkallëzimin e një konflikti në familje, duke vënë në pranga dy vëllezër të cilët kishin ushtruar dhunë ndaj gruas së njërit prej tyre.
Pas marrjes së njoftimit se në fshatin Mekat kishte një rast dhune në familje, efektivët kanë ndërhyrë në kohë për të parandaluar përshkallëzimin e mëtejshëm të konfliktit.
Si rezultat i veprimeve të shpejta hetimore për dokumentimin e plotë të rastit, u bë ndalimi i vëllezërve K. P., 47 vjeç dhe F. P., 51 vjeç, banues në fshatin Mekat.
Të ndaluarit, dyshohen se gjatë një konflikti në familje, kanë ushtruar dhunë fizike ndaj bashkëshortes së shtetasit K. P.
Gjatë kontrollit të banesës së shtetasit F. P., shërbimet e policisë gjetën dhe sekuestruan një armë gjahu të llojit teke, e cila mbahej pa leje prej tij.
Lidhur me këtë rast materialet iu referuan Prokurorisë Vlorë për ndjekje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
