Policia e Hong-Kong-ut, njoftoi se një oficer policie është qëlluar me shigjetë në këmbë gjatë përleshjeve me protestuesit jashtë universitetit. Ndërkohë, policia ka përdorur pompa uji kundër protestuesve dhe disa prej agjentëve të policisë kanë hedhur mbi ta edhe gaz lotsjellës, në përpjekje për ta shpërndarë protestën që po mbahej atje. Sipas Zyrës së Arsimit, shkollat në Hong-Kong do të mbyllen nesër për shkak të trazirave të vazhdueshme të protestave. Të gjitha institucionet arsimore: shkolla, çerdhe e deri shkollat e mesme do të pezullohen për arsye sigurie. Vendimi u mor disa ditë më parë pas kritikave të shumta që nuk ishte dhënë urdhër të mbyllej më herët. Shumë studentë i janë bashkuar protestës, në disa raste edhe nxënës në moshë mjaft të re, madje disa prej të tyre të moshës rreth 12 vjeç janë arrestuar gjithashtu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
