Gjykata e Posaçme kundër Krimit të Organizuar dhe Korrupsionit, ka pranuar kërkesën e ish-nëndrejtorit të spitalit të Sarandës, Florenc Llanaj, i cili dyshon se është i infektuar me Covid-19.
Mësohet se Gjykata e Posaçme ka urdhëruar Insitutin e Shëndetit Publik dhe Spitalin e Burgjeve për t’i bërë analizat përkatëse nëse ky person është i infektuar apo jo me COVID 19.
Sakaq, bëhet me dije se gjatë seancës së fundit gjyqësore, Llanaj ka shfaqur simptoma të koronavirusit si kollë.
Llanaj ka bërë kërkesë për ndryshimin e masës nga “arrest me burg” në “arrest shtëpie”.
Seanca gjyqësore u shty në datë 15 prill 2020, ora 09:00.
Kujtojmë që Florenc Llanaj, u arrestua para disa ditësh bashkë me 14 persona të tjerë, të cilët merreshin me trafikun e drogës nga Shqipëria në Greqi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
