Policia e Kosovës shpall në kërkim gjashtë persona për krime lufte

Policia e Kosovës ka shpallur në kërkim gjashtë persona të dyshuar për krime lufte kundër popullsisë civile.

Nga policia është kërkuar ndihma e qytetarëve për informacione rreth tyre, ndërsa ka publikuar edhe fotografitë e personave të kërkuar bashkë me emrat e tyre.

Personat e shpallur në kërkim janë:

AKSIĆ (Voimir) Ćedomir; data e lindjes; 10.05.1960

DENIC (Slobodan) Dragan; data e lindjes; 10.12.1967

JOVANOVIĆ (Milan) Stojan; data e lindjes; 14.10.1961

PAUNOVIĆ (Slavujko) Goroljub; data e lindjes; 07.05.1969

RAĆIĆ (Janko) Dejan; data e lindjes; 10.12.1974

RAJKOVIĆ (Ivica ) Ljubiša; data e lindjes; 07.12.1974

Policia e Kosovës kërkon nga qytetarët apo kushdo që ka informacion për vendndodhjen e personave të dyshuar të publikuar në këtë shpallje, të lajmërojë Policinë e Kosovës në telefon ose në stacionin më të afërt policor.

Më 2 nëntor, Prokuroria Speciale e Kosovës kishte bërë të ditur se ka ngritur aktakuzë ndaj një serbi me inicialet inicialet D.A, i dyshuar për krime lufte kundër popullatës civile në vitin 1999.

Sipas organit të aktakuzës, i njëjti me grupet e lartcekura ka marrë pjesë në keqtrajtimin e civilëve shqiptarë dhe në vrasje.

Të martën ndërkaq, një shtetas serb është arrestuar në Budapest të Hungarisë pas kërkesës së Prokurorisë Speciale të Republikës së Kosovës.