Shtyu 12 vjeçarin të tymosë kanabis, arrestohet 33 vjeçarja në Tiranë

Policia e Tiranës ka njoftuar arrestimin e një 33-vjeçareje, pasi ka shtyrë një fëmijë të mitur që të konsumojë kanabis.

Bëhet me dije se në pranga ka rënë shtetasja M. Ç., 33 vjeçe, banuese në Tiranë, pasi ka shtytur një 12-vjeçar, për të konsumuar lëndë narkotike.

Specialistët e Seksionit për Hetimin e Narkotikëve, pas publikimit të rastit, ndaluan shtetasen M. Ç., 33 vjeçe, banuese në Tiranë, pasi ka shtytur një 12-vjeçar, për të konsumuar lëndë narkotike.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

Kjo shtetase është proceduar dhe gjatë operacionit policor të koduar “Tempulli 1”, për veprën penale “Prodhimi dhe shitja e narkotikëve”, dhe aktualisht është në gjykim në Gjykatën e Shkallës së Parë të Juridiksionit të Përgjithshëm Tiranë.

Ka qenë nëna e 12-vjeçarit që ka denoncuar në emisionin investigativ se djali i saj, ishte larguar nga shtëpia dhe se konsumonte lëndë narkotike, teksa u shpreh se ishte një grua që ia shiste kanabisin.