Një aksident rrugor ka ndodhur mbrëmjen e sotme në aksin Milot-Rubik, me pasojë vdekjen e një këmbësori. Policia bën të ditur se një 63-vjeçar, duke drejtuar automjetin e tij tip “benz”, ka përplasur një këmbësor, 43 vjeç.
Ky i fundit, si pasojë ka ndërruar jetë si pasojë e plagëve të marra. Efektivët e policisë kanë shoqëruar në komisariat drejtuesin e automjetit dhe po vijojnë me veprimet hetimore për zbardhjen e rrethanave të ngjarjes.
Njoftimi i policisë:
Rreth orës 21:00, në aksin rrugor Milot-Rrubik, shtetasi P. N. 63 vjeç, banues në Rrëshen, duke drejtuar automjetin e tij tip “Benz”, ka aksidentuar shtetasin M. Ll., 43 vjeç, banues në Fan, Mirditë, këmbësor, i cili për pasojë ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme procedurale ndërsa grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
