Policia Rrugore e Durrësit ka ndëshkuar me gjobë një drejtues mjeti, i cili është konstatuar në rrugë duke bërë manovra të rrezikshme. Sipas burimeve nga policia, ngjarja ka ndodhur në aksin rrugor Fushë Krujë – Thumanë, ku automjeti tip “Opel” kryente parakalime të gabuara duke vënë në rrezik edhe jetën e drejtuesve të tjerë.
“Shërbimet e Policisë Rrugore Durrës, pas publikimit të një videoje në rrjete sociale, për një automjet tip "Opel" që kryente parakalime të gabuara në aksin rrugor Fushë Krujë –Thumanë, duke rrezikuar jetën e përdoruesve të rrugës, kanë lokalizuar dhe bllokuar automjetin, si dhe kanë ndëshkuar me masë administrative 8000 lekë të rinj, drejtuesin e mjetit, shtetasin M. A”, njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
