Një aksident me 22 të plagosur është regjistruar mëngjesin e sotëm, rreth orës 05:00, në Turqi.
Ngjarja ka ndodhur në autostradën e Anadollit në Sararya, ndërsa mësohet se, një autobus që kishte votues të partisë së Erdoganit, AK, të cilët po ktheheshin nga Stambolli për në Ordu, është përplasur me një kamion.
Pas njoftimit, në vendngjarje janë nisur ekipet policore, shëndetësore dhe zjarrfikëse. Sipas mediave turke, drejtuesi i mjetit i cili kishte ngecur në autobus është shpëtuar nga zjarrfikësit dhe i është dorëzuar punonjësve shëndetësorë për marrjen e ndihmës së nevojshme.
22 personat e plagosur nga aksidenti janë dërguar në spitalet e Sakaryas dhe Kocaelit pasi u nxorën nga autobusi i aksidentuar dhe pas kontrolleve përkatëse, ata u dërguan në shtëpi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
