Një ngjarje e rëndë ka ndodhur në Fier, ku një 70-vjeçar ka humbur jetën pasi banesa e tij u përfshi nga flakët. Viktima, i cili ishte i paralizuar dhe jetonte i vetëm, nuk ka mundur të lëvizë për t'i shpëtuar zjarrit të rënë.
Sipas detajeve të raportuara nga gazetarja Evi Gjini, dyshohet se shkak për rënien e zjarrit ka qenë një shkëndijë elektrike e provokuar nga rrjeti i amortizuar i energjisë në banesë.
Gjini tha se, flakët janë përhapur me shpejtësi, duke shkrumbuar shtëpinë, ndërsa dyshohet se i moshuari ka mbetur i bllokuar edhe nga shembja e një pjese të çatisë.
Një 70-vjeçar ka humbur jetën pasi shtëpia e tij është përfshirë tërësisht nga flakët. Fatkeqësisht, ai ka qenë në gjendje të paralizuar dhe e ka pasur të pamundur të lëvizë për të shpëtuar. Dyshohet se zjarri ka ardhur nga një shkëndijë elektrike, si pasojë e një rrjeti të amortizuar në banesë.
I moshuari jetonte vetëm dhe nuk u arrit të shpëtohej në kohë, pasi flakët janë përhapur menjëherë, ndërsa dyshohet se një pjesë e çatisë e ka zënë poshtë. Ishin komshinjtë ata që lajmëruan zjarrfikëset, ndërhyrja e të cilëve bëri që fatmirësisht kjo tragjedi të mos përhapet në banesat e tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
