Vdekja tragjike e tre shqiptarëve të Kosovës, pjesë e një familje, pasi konsumuan kerpudha të mbledhura vetë në Gjirin e Lalzit, ka tronditur opinionin publik në Kosovë dhe jo vetëm.
Familja Haliti ndodhej në shtëpinë e vet në Gjirin e Lalzit, banesë të cilën e kishin blerë dhe e shfrytëzonin herë pas here sipas nevojave të veta.
Djali i ciftit që humbi jetën i tronditur nga ngjarja e rëndë përvecse akuzoi mjeket e qendrës shendetesore të Manzës në Durrës, shprehu dyshime mbi vdekjen tragjike që sipas tij mund të mos ketë ardhur nga kërpudhat. Ai e mbështet këtë gjë tek fakti që ka ngordhur edhe qeni i familjes, që nuk konsumonte kurrsesi kerpudha, dhe kjo sipas tij është shumë e cuditshme.
Pikërisht lidhur me këto dyshime një reagim të radhës e ka pasur edhe kreu i Komunës së Gjilanit tëKosovës, Lutfi Haziri, i cili tha se Shqipëria dhe autoritetet e drejtësise në këtë vend e kanë për detyre të nxjerrin sa më shpejt të vërteten e kësaj ngjarje kaq të rëndë.
“Gjilani, Kosova e Shqipëria u tronditën nga tragjedia që ndodhi në Durrës, përkatësisht në Gjirin e Lalëzit, ku tre bashkëqytetarët tanë, Elfete, Afrim e Ferdinaze Haliti, ndërruan jetë papritur. Sot ia dhamë lamtumirën e fundit në Gjilan dhe na mbeti peng e vërteta e shuarjes së tyre.Shteti shqiptar e ka për obligim që sa më parë të dal me rezultatin përfundimtar të hetimit për zbardhjen e të vërtetës. Për shpirtrat e Elfetes, Afrimit e Ferdinazes, për familjen Haliti, për Gjilanin, për Kosovën, për Shqipërinë.Ngushëllimet më të sinqerta familjes Haliti për këtë humbje të madhe. Zoti ua lehtësoftë dhembjen!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
